Manchester Evening News xabariga ko'ra kecha ertalab "Manchester Yunayted" a'zosi Pol Skoulzning Oldhemdagi uyi oldidan unga tegishli mashina o'g'irlab ketilgan. Klubning yangi avtomobil homiysi – "Shevrolе" kompaniyasi – o'tgan sentabrda "Yunayted" futbolchilariga hohlagan modeldagi avtomobilni tanlash imkonini bergandi. sport rusumli avtomobillarni tanlagan ko'pchilik yoshlardan farqlli Pol Skoulz nisbatan kamtarona, oilaviy, 30 ming funt turadigan Chevrolet Captiva LTZ avtomobilini tanlagandi. Ertalab uydan chiqqan Skoulz avtomobilning old oynasida qalin qor va muz parchasini ko'rdi, shundan keyin oynani tozalash uchun avtomobilni yoqdi, o'zi esa sovuqda kutib turmaslik uchun uyga kirib ketdi. Bir necha daqiqadan so'ng qaytib chiqqan yarim ximoyachi mashina joyida yoqligini ko'rgach, darhol politsiyaga xabar berdi.