Главная » 2013»May»28 » Moyes "Yunayted" murabbiylar shtabini e'lon qildi
19:41
Moyes "Yunayted" murabbiylar shtabini e'lon qildi
“Manchester Yunayted”ning yangi bosh murabbiyi Devid Moyes o'zining murabbiylar shtabini aniqlab oldi, deb xabar qiladi The Guardian.
50 yoshli mutaxassisga “Everton”dagi faoliyatida juda yaxshi tanish bo'lib qolgan Fil Nevill, Stiv Raund, Kris Vuds va Robbi Kuklar yordam berishadi.
Eslatib o'tamiz: avvalgi murabbiylar shtabi Fergyusonning ortidan ketishini e'lon qilgandi. Fil Nevill bu yil futbolchilik faoliyatini yakunladi. U "Yunayted"ning tarbiyalanuvchisi va sobiq futbolchisi hisoblanadi. Bu yildan u yordamchi murabbiy sifatida o'zini sinab ko'radi.
Yozda o'tadigan yoshlar o'rtasidagi Yevropa chempionatida ham Angliya yoshlar termasi bosh murabbiyiga yordamchilik qiladi.