Rossiya terma jamoasining sobiq yarim himoyachisi Andrey Kanchelski "Manchester Yunayted"dagi faoliyati davomida yuzaga kelgan Ferguson va Bekxem mojarosiga oydinlik kiritib o'tdi.
"Ferguson o'shanda Bekxemga butsa otmagan, balki musht tushirgandi.Bunga Bekxemning muntazam mashg'ulotlarga kech qolib kelishi sabab bo'lgan. O'sha kuni ham u Londondagi qanaqadir kechaga borgandi va ertasiga mashg'ulotlarga kechikib kelgandi. Doim shu bo'yicha Ferguson bilan tortishib qoladigan Bekxem "dakki" yegandi", - deya ta'kidlab o'tdi Kanchelski "Sovetskiy Sport" nashriga bergan intervyusi chog'ida.