Главная » 2013»Iyun»22 » Irvin: Moyes "Yunayted"da muvoffaqiyatga erishadi
17:36
Irvin: Moyes "Yunayted"da muvoffaqiyatga erishadi
"Manchester Yunayted"ning sobiq himoyachisi Denis Irvin Ser Aleks Fergyuson iste'fo bergach, uning o'rniga tayinlangan Devid Moyes "Yunayted" bilan muvoffaqiyatlarga erisha oladi deb hisoblaydi. Uning fikricha Moyesda Ser Aleksda mavjud bo'lgan jihatlarning ko'pi mavjud va bu Fergyusonning muvoffaqiyatli yurishlarini davom ettirishda unga qo'l keladi.
"Albatta, u muvoffaqiyatli ish olib bora oladi. Uning qo'li ostidagi futbolchilar Yakunlangan mavsumda chempionlikni nishonlashgan va bu borada yetarlicha tajribaga egadirlar. Undan tashqari jamoada ko'plab iste'dodli yoshlar to'plangan".
"Hech shubha yo'qki, u jamoaga o'z g'oyalari va falsafasini olib kirib, o'yin kartinasida o'z imzosiga ega bo'ladi va shularga mos bir necha yangi futbolchilarni ham jamoaga jalb etadi".
"Kelasi mavsum juda qiziqarli kechishi turgan gap. Moyes uchun mavsum oson kechmaydi. Chunki "Chelsi", "Manchester Siti" kabi klublar ham yangi murabbiylarni jalb etishgan. Shunday bo'lsada, men "Yunayted"ning muvoffaqiyatini shubha ostiga qo'yadigan hech qanday sabab ko'rmayapman", deydi Denis Irvin.
